Persona të paidentifikuar kanë qëlluar me armë zjarri në drejtim të një automjeti në Tiranë.
Mësohet se një 42-vjeçar ka denoncuar në polici se drejt makinës së tij është qëlluar me armë zjarri, në rrugën “Don Bosko”, rreth orës 06:45.
Policia bën me dije se nga të shtënat me armë zjarri nuk ka persona të dëmtuar.
Tiranë/Informacion paraprak
Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.
